ಡ್ರಗ್ಸ್, ಗಾಂಜಾಗಳಂತಹ ಅಪಾಯಕಾರಿ ಹಾಗೂ ದುಷ್ಪರಿಣಾಮಗಳ ಕುರಿತು ಸಾರ್ವಜನಿಕರಿಗೆ ಮನವರಿಕೆ ಮಾಡೊಕೊಡುವ ಉದ್ದೇಶದಿಂದ ಮೂಡುಬಿದಿರೆಯ ಕಾನೂನು ಘಟಕ,ಮೂಡುಬಿದಿರೆ ಪೊಲೀಸ್ ಠಾಣೆ ಹಾಗೂ ಟೀಮ್ ಬೆದ್ರ ಹಮ್ಮಿಕೊಂಡ ‘ ಬೆದ್ರದಲ್ಲಿ ಡ್ರಗ್ಸ್ ಬೇಡ ಬ್ರೋ’ ಎಂಬ ಸ್ಟಿಕ್ಕರ್ ಅಭಿಯಾನವು ರಾಜ್ಯದಾದ್ಯಂತ ಗಮನಸೆಳೆದಿದೆ.
ಮೂಡುಬಿದಿರೆಯ 45 ಮಂದಿ ಪೊಲೀಸರು ಪಥ ಸಂಚಲನ ನಡೆಸುವ ಮೂಲಕ ಜನರಲ್ಲಿ ಜಾಗೃತಿ ಮೂಡಿಸಿದ್ದಾರೆ.ಅಲ್ಲದೆ ಬೆದ್ರದ ಹಲವೆಡೆ ಸ್ಟಿಕ್ಕರ್ ಅಭಿಯಾನ ನಡೆಸುವ ಮೂಲಕ ಬೆದ್ರದಲ್ಲಿಂದು ವಿನೂತನ ಕಾರ್ಯಕ್ರಮವೊಂದು ನಡೆದಂತಾಗಿದೆ.
ಈ ಅಭಿಯಾನದಲ್ಲಿ ಮೂಡುಬಿದಿರೆ ಇನ್ಸ್ಪೆಕ್ಟರ್ ರಾಜೇಂದ್ರ, ಲೀಗಲ್ ಸೆಲ್ ನ ಪ್ರಮುಖರಾದ ಪದ್ಮಪ್ರಸಾದ್ ಜೈನ್, ಮರ್ವಿನ್ ಜಾನ್ಸನ್ ಲೋಬೋ, ಪ್ರೆಸ್ ಕ್ಲಬ್ ಅಧ್ಯಕ್ಷರಾದ ಬೆಳುವಾಯಿ ಸೀತಾರಾಮ ಆಚಾರ್ಯ, ಪ್ರಮುಖರಾದ ಸುಚರಿತ ಶೆಟ್ಟಿ, ಪುರಂದರ ದೇವಾಡಿಗ ,ಜೆ.ಜೆ.ಪಿಂಟೊ,ಪ್ರವೀಣ್ ಕುಮಾರ್ ಜೈನ್, ಆಲ್ವಿನ್ ಡಿಸೋಜ, ರಾಜೇಶ್ ಕಡಲಕೆರೆ,ಅನೀಶ್ ಡಿಸೋಜ ಮತ್ತಿತರರು ಉಪಸ್ಥಿತರಿದ್ದರು.
80 ನೇ ಸ್ವಾತಂತ್ರ್ಯೋತ್ಸವದ ಪ್ರಯುಕ್ತ ಹಮ್ಮಿಕೊಂಡಿರುವ ಈ ಅಭಿಯಾನದ ಸ್ಟಿಕ್ಕರ್ ನಲ್ಲಿ ನೇರವಾಗಿ ಯಾರಿಗೆಲ್ಲಾ ದೂರು ನೀಡಬಹುದೆನ್ನುವ ಮಾಹಿತಿಯನ್ನು ನೀಡಲಾಗಿದೆ.
ನವಮಿ ಸರ್ಕಲ್ ಪಕ್ಕದಲ್ಲಿರುವ ವೇದಿಕೆಯಲ್ಲಿರುವ ಸ್ಟಿಕ್ಕರ್ ನೊಂದಿಗೆ ವಿದ್ಯಾರ್ಥಿಗಳಿಗೆ ಸೆಲ್ಫಿ ತೆಗೆಯಲು ನಾಳೆ ಅವಕಾಶ ನೀಡಲಾಗಿದೆ.
